Page 338 - Уйбаан Бахсылыырап. Сэрии кэмин оҕолоро - эйэлээх олох уустара

КИНИ ҮЛЭТЭ КЫАЙЫЫНЫ УҺАНСАРА

Сэбиэскэй кэмҥэ плановай экономиканы туругуран үлэлэтэллэрин саҕа-
на, “Маяк” отделениетыгар тыһыынчаттан тахса ынах сүөһү иитиллэрэ. Бу
кэмҥэ үгүс элбэх үтүөкэн үлэһиттэр, коллективтар, фермалар социалисти-
ческай куоталаһыы күүрээннээх үлэтигэр турунан, сарсыарда эрдэлээн, киэһэ
хойутаан түбүгүрэллэрэ.
Сүөһү иитиитин маастардарын бу сыралаах, кыайыылаах үлэлэрин тул-
лар тутааҕынан дьулуурдаах, үтүөкэн үлэһит “вода” массыына суоппара Гри-
горий Григорьевич Петров буолбута. Ол курдук кини массыыната сарсыарда
эрдэттэн киэһэ хойукка диэри тохтоло суох сүүрэн Майаҕас, Чараҥ бары
фермаларыгар, тэрилтэлэригэр, хочуолунайдарыгар ууну таһан кутара. Аны
сайыҥҥы кэмҥэ Кыймаласпыт курдук ыраах сайылыгынан тиийэ эргийэн
кэлэрэ, чугастааҕылары этэ да барбаккын. Манна барытыгар хайдах тиийи-
нэн үлэлиирин биһиги сөҕө саныырбыт. Билигин да санаатахха, чахчы да
дьүккүөрдээх, туруу үлэһит буолан бу үлэни кыайа-хото туттаҕа.
Ыанньыксыттар ситиһиилэрэ, биһиги ЫБСЛКС 60 сыла аатынан ыччат
сүөһүнү төлөһүтэр ыччат-комсомольскай звенобут ситиһиилэригэр Григо-
рий Григорьевич үтүөтэ-өҥөтө муҥура суох. Кыра сүөһү (бороон) биир күн
уулаабатаҕына, көөнньөрбө сиэбэтэҕинэ төһөлөөх ыйааһыны сүтэриэн сөбүн
биһиги үлэлээбит, эрэйдэммит эрэ дьон билэбит. Оннук түктэри быһыы-
майгы хаһан да тахсыбатаҕа, ол барыта убайбыт Кириисэ кэмигэр ууну баар
оҥорон иһэрин үтүөтэ этэ. Кыайыылаах үлэһит үтүө түмүгэ буолан, Г.Г.Пет-
ров “Социалистическай үлэ кыайыылааҕа”, “IX пятилетка ударнига” знак-
тарынан наҕараадаламмыта, оройуон хас да төгүллээх чемпион суоппара буол-
бута.
Биһиги кыайыылаах үлэбит үрдүк үрдэллэрин дабайыыга күүс-көмө буол-
бут аҕа табаарыспытыгар Григорий Григорьевичка махталбыт муҥура суох.

Дмитрий Дмитриевич Курилкин,
Үлэ Албан Аат III степеннээх орден кавалера,
Хоро нэһилиэгин бочуоттаах олохтооҕо

УБАЙБЫТ ЛЭГЭН - БИҺИГИ ОЛОХПУТУГАР

Олох салҕанар аналынан

Биһиги ийэбит Наталья Петровна Охлопкова-Прядезникова Чэҥэй
Бүөтүрэ диэн ааттанар киһи кыыһа. Кини ийэтэ өлөрүгэр 15-16 саастаах
кыыс ыал улахан оҕото эбит. Инньэ гынан инилэрин Лэгэнтэйи, Ньукулайы
уонна балтыларын Балбаараны Өлөөнөнү (олорор эрэ оҕону) бэйэтэ бүөбэй-
дээн улаатыннартаабыт.
Ийэбит Наталья Петровна 24-25 саастааҕар Прядезников Дмитрий Пет-
ровичка-Минньигэскэ эргэ тахсыбыт. Ийэбит сыллата кэриэтэ оҕолонон
Миитэрэйтэн Маайыһы, Лэгэни, Миитээҕи, Хабырыыһы төрөппүт. Бу оҕолор
өссө кыра эрдэхтэринэ Миитэрэй ийэбитин арааран кэбиспит уонна биир
уол оҕолоох Сысолятина Кэтирииһи кэргэн ылбыт. Биһиги ийэбититтэн
оҕолору эбэлэрэ бүөбэйдээбит. “Аҕабыт саҥа кэргэнинээн уонна кини уолу-
наан уҥа остуолга аһыыллара, биһиги эбэбитин кытта хаҥас кыра остуолга
аһыыбыт”, — диэн эдьиий Маайыс кэпсээбитин өйдөөн хаалбыппын.

334