Page 343 - Уйбаан Бахсылыырап. Сэрии кэмин оҕолоро - эйэлээх олох уустара

насийы (Юрист Оппуонньаны — миигин ) төрөппүттэрэ. Убайбын Лэгэни
кытта Баатаҕай нэһилиэгэр Биэттэҕэ 1962 сыллаахха билсибитим. Оччолорго
мин 5, кини 28 саастаах эбиппит. Кэлин Кэптэнигэ орто оскуола аһыллан
эдьиийим Анна Петровна 9-с, мин 3-с кылааска үөрэнэр кэммитигэр көһөн
кэлбиппит. Ол кэмтэн ыла убайдарбын Лэгэни, Миитээҕи, Хаабыыны кытта
Кэптэни бөһүөлэгэр бииргэ суулаһан олоробут.
Оҕо сылдьан убайбын Лэгэни кытта акка мэҥэстэн, Хоту Харданнаахха
киниэхэ үлэтигэр көмөлөһө тиийэрим. Убайым оччолорго субан сүөһү бостууга
этэ. Ол курдук үс-түөрт сылы быһа кинилиин бииргэ сылдьан, араас үлэтигэр
илии-атах буоларым. Ол курдук кини кыһыҥҥы уойууга турар сүөһүнү көрөр
кэмигэр, Суор Огөҕөр уонна Кэптэнигэ билигин киин хочуолунай турар сири-
гэр баар хотонҥо сүөһү сааҕа күрдьүһэрим, кэлиргэ хотуулун ыраастаһарым,
ойбоҥҥо уулаан кэлбит 55-60 субан сүөһүнү баайарга көмөлөһөрүм. Дьиэбити-
гэр да үлэ элбэҕэ: уокка оттор мас кэрдэн, илии эрбиитинэн эрбээн саһаан
бэлэмниирбит, кынаттаах устурууһунан мас устуруустуурбут, муус ыларбыт.
Убайым Лэгэн ыҥырыыга сылдьар наһаа хаачыстыбалаах оһохчут этэ,
миигин оһох оҥороругар көмөлөһүннэрэр буолан өрүү бэйэтин кытта илдьэ
сылдьара. Булуус хаһыытыгар, ытыыстааһыныгар, хадай уонна үүт бүтэйдэри
оҥорууга эмиэ киниттэн үөрэммитим. Сайынын хортуоппуй сыыһын ыраас-
тааһын, тээпкэлээһин, от мунньуута, кэбиһиллэр оту түстээһин, бугулу хаа-
чыкалааһын, хомус баайыыта, күһүн отоннооһун барыта кини үлэҕэ үөрүйэҕэ.
Убайбын Лэгэни кытта аан бастаан 1969 сыллаахха Дьокуускайга киирси-
битим. Онно Суоттуга остолобуой аннынан тохтуур уу трамвайыгар олорсон,
6 чаас айаннаан, Даркылаахха тиийбиппит. Дьокуускай чуурканан оҥоһуллу-
бут уулуссатын, автобус диэн элбэх киһи олорор массыынатын аан бастаан
көрбүтүм. Ипподромҥа ат сүүрдүүтүгэр икки күн сылдьыбыппыт. Оҕо санаа-
бар Универмаг, Детский мир маҕаһыыннар улаханнара, баһаар (борохуолка)
дьоно элбэҕэ сүрдээҕэ. Аҕата эрдэ өлбүт оҕону, миигин, убайым Лэгэн элбэх-
хэ үөрэппит эбит.
Убайбыт Иннокентий Дмитрьевич түөрт эрэ кылаас үөрэхтээх да буоллар
комсомол, партия чилиэнэ этэ. Кини холкуоска үлэлии сылдьан өссө 1962
сыллаахха “Коммунистическай үлэ ударнига” ааты ылбыта. «В.И.Ленин
төрөөбүтэ 100 сылын бэлиэтээн. Үлэҕэ килбиэнин иһин» мэтээлинэн наҕараа-
даламмыта. Үчүгэй үлэтинэн 1977 с. ССРС герой куораттарынан босхо путе-
вканан күүлэйдээн кэлбитэ. Хас да төгүл үчүгэй үлэтин иһин Партизан За-
болоцкай холкуос, кэлин сопхуос салалтатыттан Бочуотунай грамоталары-
нан, Махтал суруктарынан бэлиэтэммитэ.
Убайбыт И.Д.Прядезников 1983 сыл кулун тутар ыйга бэйэтин дьиэтигэр
оһох угаарыттан 49 сааһыгар эрэ сылдьан олохтон эмискэ туораабыта. Хо-
мойорбут диэн, убайбыт Лэгэн, тус олоҕун оҥостубакка, оҕо-уруу төрөппөккө,
бу орто дойду олоҕуттан арахсыбыта. Кини сырдык аата бу кинигэҕэ киирэн
үйэтийдин диэн, эдьиийбинээн Анна Петровналыын, бу кыракый ахтыыны
оҥордубут. Дьыл-хонук аастаҕын ахсын сэрии кэминээҕи көлүөнэ дьон аҕы-
йаатар аҕыйаан иһэллэр. Онон кинилэр олорбут олохторо кэпсэнэрэ, ааттара
ааттанара саамай сөп.
Убайдарым Лэгэн уонна Хаабыы 1968 сыллаахха Кэптэнигэ 12x7 м иэннээх
дьиэни туттубуттара. Мин 1980 сыллаахха кэргэннэнэн, үс оҕолонон, сиэн-
нэрдэнэн, Ис дьыала уорганнарын ветерана буолан, пенсияҕа тахсан, били-
гин бу дьиэҕэ быр-бааччы олоробут.
Афанасий Петрович Колесов,
Кэптэни, 2012 с.
22*
339