Page 342 - Уйбаан Бахсылыырап. Сэрии кэмин оҕолоро - эйэлээх олох уустара

А.П.Колесов,
Н. П. Прядезникова-Охлопкова,
А. П. Егорова- Прядезникова,
М.А.Горохова.
1973 с.

Убайбыт Иннокентий Прядезников, сэрии кэмин биир оҕото, баара-суоҕа
49 сааһыгар сылдьан соһуччу олохтон туораан бары да соһуйбуппут, хомой-
буппут. Кини суох буолбутугар улаханнык тулаайахсыйбыппыт. Убайбыт Киэсэ
туох оҥоһулларын бэйэтин этиитинэн ирдиирэ. Бэл эдьиийигэр Маайыстаахха,
быраатыгар Миитээхтээххэ хайа алаастан от уктаран ылаллара ордугун, хайа
тыаттан оттук мас кэттэрэллэрин, бэл муус ылалларын кытта дьаһайсара.
Дьиҥэр, ол саҕана эдьиийэ, быраата бэйэлэрэ улахан дьиэ кэргэн ийэтэ,
аҕата буолбут дьон буоллахтара.
И.Д.Прядезниковы билэр, биир кэмҥэ үлэлээбит, олох олорбут дьон
өйүгэр-санаатыгар, биһиги убайбыт Лэгэн, кыайыгас-хотугас үлэһит, амарах
сүрэхтээх киһинэн саас-үйэ тухары өйдөнөн хааллаҕа.

Анна Петровна Егорова (Прядезникова),
СР сэллиги эмтиир научнай-практическай киин
үрдүкү категориялаах бырааһа,
01.03.2012
КИНИТТЭН ЭЛБЭХХЭ ҮӨРЭММИТИМ

Сэрии суоһар сылларыгар элбэх дьиэ кэргэн аҕата уоттаах сэриигэ уонна
үлэ фронугар ыҥырыллан барбыта. Аҥаардас ийэҕэ хаалбыт оҕолор аччык-
тааһыны, сорохтор хоргуйууну да билбиттэрэ. Оттон ийэлээх, аҕалаах оҕолор
кэм сарсыарда үссэнэрдээх, киэһэ аһыырдаах буолаллара. Биир оннук оҕонон
биһиги убайбыт Кеша Прядезников этэ. Кини аҕата Миитэрэй Бэрэһээнньи-
кэп холкуос турук үлэһитэ буоларын таһынан, куобахха туһахтаан, балыкка
туулаан, куйуурдаан улахан дьиэ кэргэнин этэҥҥэ тутан олорбута. Ол эрээри
“Олох олоруу көнө хонууну туорааһын буолбатах” дииллэринии, сэрии кэн-
ниттэн Миитэрэйдээх Натааһа атырдьах маһыныы арахсаннар тус-туһунан
барбыттара. Ол эрэн икки өттүттэн олохторун саҥалыы оҥостоннор оҕону-
урууну дэлэппиттэрэ.
Бу биһиги ийэлэрбит, аҕаларбыт иккилии төгүл ыал буоланнар барыта
14 оҕону төрөппүттэрэ. Бэрэһээнньикэп Миитэрэй уонна биһиги ийэбит На-
тааһа Маайаны, Лэгэни, Миитээҕи, Хабырыыһы төрөппүттэр. Сысолятина
Кэтириис бастакы кэргэнитгэн Мэхээлэттэн Климиэҥн э күн сирин көрдөрөр,
Миитэрэйтэн Улахан Сүөдэри (Ноонук), Кыра Сүөдэри (Сыыта), Улахан уонна
Кыра Катялары төрөтөр. Биһиги аҕабыт Петр Николаевич Колесов бастакы
кэргэниттэн Петры (Күөх Баттах), Афанасийы (Кылбарыкы), биһиги ийэби-
титтэн Наталья Петровнаттан Аннаны, Ильяны (оҕо сааһыгар өлбүтэ), Афа-
338