Page 354 - Уйбаан Бахсылыырап. Сэрии кэмин оҕолоро - эйэлээх олох уустара

* * *
Ииппит аҕам Мэхээлэ уонна бырааттарын аҕалара эрдэ өлөн, Мэхээлэлээх
Лааһар сыһыаннара аҕалыы-оҕолуу курдук этилэр. Биһиги кыра сылдьан Лаа-
һары көрбөт этибит. Аҕабыт Мэхээлэ холкуоска ылар дохуотуттан өйүөлээн Ла-
аһары үс сыл учуутал үөрэҕэр үөрэттэрбит. Лааһар Уйбаанабыс үөрэҕин бүтэрэн
үс сыл Булуҥҥа киирэн учууталлаан тахсар уонна куоракка үлэлии киирэр.
Убайбыт сайын биһиэхэ сынньана диэн таҕыста. Биһиги Даккыга олоробут,
убайым Лааһар сурук суруйан баран Дыырымдаҕа олорор Уоһук Мигалкин кы-
ыһыгар Пашаҕа миигинэн сурук ыытта. Мин уончалаах кыыс наһаа улахан
суолталаах соругу ылынан, Даккыттан Дыырымдаҕа диэри сүүрүүнэн киирэн,
убайым Лааһар эппитин курдук чып кистэлэҥинэн Пашаны дьиэтгэн ыҥыран
таһааран бастаан ампаар кэннигэр, онтон кыбыылаах от күлүгэр илдьэн сиэп-
питтэн ороон, убайым ыыппыт суругун кыыска туттарбытым.
Мин Пашаны киһини өйдүүр буолуохпуттан билэбин. Паша сайын аайы
Анна Заболоцкаяны кытта биһиэхэ сылдьаллара, оҕолору мунньан арааһы
оонньотоллоро. Паша ийэтинээн биир кыһын биһигини кытта дьукаах кыс-
таабыттара, Лааһар ол кэмҥэ Булуҥҥа үлэлии сылдьара. Мин Пашаны сым-
наҕас майгылааҕын, куруук күлэ-үөрэ, кэпсии-ипсии сылдьарын иһин олус
сөбүлүүрүм. Кыһын оһох иннигэр эбэтэр түннүк сырдыгар кини кугас өҥнөөх
уһун суһуоҕун тараан уонна өрөн тахсарым. Лааһардаах Паша сэрии иннинэ
ыал буолбуттара уонна куоракка көһөн киирбиттэрэ.
Ийэм баарыгар отонноон ол отонун туттаран харчы оҥорон буолускай
сылабаар ылбыта, ону миэхэ анаабыта. Оччолорго сылабаар улахан мал этэ.
Ол саҥа сылабаар туттуллубакка ампаарга турбутун аҕам Лааһардаах ыал буол-
буттарыгар бэлэх биэрбитэ.
Сэрии иннинэ Лааһардаах Паша уол оҕоломмуттара уонна аҕам аатынан
Михаил диэн ааттаабыттара. Сэрии буолан Лааһар сэриигэ ыҥырыллан бар-
бытын кэннэ, Паша оһоҕостоох сылдьан биир саастаах Мишатын илдьэ би-
һиэхэ, Мүрүгэ, тахсан сайылаабыта. Онтон күһүнүгэр Лаҥкыны алааска ий-
этигэр көспүтэ уонна онно кыстаан олорон кыра Лааһары төрөппүтэ. Паша
ийэтинээн Лаҥкыныга Лааһар сэрииттэн эргиллэн кэлиэр диэри олорбуттара.

* * *

Биһиги үс улаатан эрэр оҕо наар аһыахпытын баҕарабыт, аҕабыт Мэхээ-
лэ эрэйдээх саастаах, тииһэ-уоһа мөлтөх буолан хаппыт балыгы кыайан сиэ-
бэт. Сайын кыа уга хомуйан онтукабытын ууга буһаран сиибит. Аны санаа-
тахха сылбырхай ууга буспут кыа уга эрбэһин курдук буолара. Сайын ортото
оттуу сылдьаммыт Аччыгый Эбэ куулатыгар отуу туттан олордубут. Убайбыт
Бушуев Кирилэ ол сайын аармыйаҕа ыҥырыллан, биһиэхэ кэлэн уолаттарын
Уйбааны уонна Боону кытта быраһаайдаһан сыллаан-уураан бараахтаабыта.
Ити сайын умайар уот кураан буолан алаас, үрэх сирдэр отторо үүммэтэҕэ.
Аһыҥа үөн былыт курдук көтөр. Биһиги уу кытыытын тирбэҕэлэһэн оттуу-
бут, үрдүк сирдэр хайыта хаппыттара.
Күһүн Тыымпаайыбытыгар көһөн тиийэн эмиэ балыктаан аһаатыбыт.
Тыымпаайы быччыыкатын сороҕун үөлэбит, ол балыкпытын сарсыарда уон-
на киэһэ сылбырҕа ууну кытта сиибит. Аҕам Мэхээлэ хатыҥ мас тэллэйин
чааҕаны чэй оҥостор. Быччыыкабытын күнүс биирдэ мииннээн сиибит. Ба-
лыкпыт кыра буолан хатарбыт балыкпытын айахпытыгар биирдэ уган баран
уҥуохтары-иҥиэхтэри хачыгыраччы ыстаан сиэн кэбиһэбит. Аҕабыт тииһэ

350