Page 380 - Уйбаан Бахсылыырап. Сэрии кэмин оҕолоро - эйэлээх олох уустара

Убасаайдыыр убайым Николай Лукич 1, уонна бары убайдарым, бирибиэт!
Сонун, кэпсиир диэн боеннай. Прибичуной (приписной) учуокка туран барабыт.
Ийэ дойду көмүскэлин иһин Кыһыл аармыйа байыаһын эбээһинэһин толоро бар-
дым. Эһиги дьоллоохтук үөрэниҥ уонна олоруҥ. Мин эйиэхэ суруйабын. Аҕаҕытын
үчүгэйдик тутуҥ уонна мин кэргэммин көрүҥ, оҕолорбун эмиэ. Олорор олохторун
хааччыйар буоларгытыгар эрэнэ бардым.
Эһиги бырааккыт кыһыл армеец Николай Лукич Местников-2.
12.8.41 с.

Николай Лукич кыргыс хонуутуттан кэргэнигэр баара-суоҕа биир суругу
ыыппыта. Онтуката Акулина Николаевна Бахсы Толоонугар олордоҕуна 1942
сыл кулун тутар 12 күнүгэр кэлбитэ.

Таптыыр доҕорум Акулина Николаевна. Аан маҥнай мин ааппыттан привет!
Мин арҕааҥҥы границаҕа Москватган 16 көс гиитилэр границатын диэки айан-
наан сатыы иһэбит. Алта төгүл сэриигэ киирсэ сырыттым, фроҥҥа 1,5 (ый) олор-
дум, билигин сэрии туохтан да олус суостаах, күүстээх, киһи санаата, настарыанньа-
та мөлтүүр. Киһи өлүүтэ, араанньы буолуута хойуу. Дьэ мин, Сэргэй Ноговицын
табаарыстарбьггтан алтынньы ыйтан арахсан хаалбыппыт. Соҕотоҕун нууччалары кытта
сылдьабын, нууччалыы билбэт буолан үтүргэҥҥэ сылдьыллар. Сатыы хайыһарынан
айаннааһын буолар. Хаар киһи ахтатыгар диэри, киэҥ сир буолан салгына күүстээх,
таҥас киһи элбэҕинэн сөп: телогрейка ыстаан, ас баар бириэмэтигэр баар, суох би-
риэмэтигэр олох суох (сэрии саҕана).
Ньиэмэстэр, гиитилэр саллаатгара, олус хойуулар, онтон Кыһыл аармыйа онно-
оҕор хойуу. Дьэ эһиги хайдах кыстаан эрэр буоллугут, ханна? Бириэмэ суох элбэҕи
суруйар. Сылдьабын, билигин доруобуйа үчүгэй. Аны 2 сылынан тыыннаах сырыт-
тахпына эргийэбин. Тыыннаах эргийэр биллибэт. Сэрии олус күүстээх, быраһаай.
Хааллым Местников Н.Л.-2.
Телеграмма, сурук ыытар буоллаххына аадырыһым маннык: Почтова Полевая
станция Особо-армейского полка Саперная рота Местникову Н.Л.
Бу суругу аймахтарбар кэпсээ. 6.2.1942 сыл

Сурук төннөр аадырыһа чуолкайа суох, чааһын нүөмэрэ биллибэт. Бу
сурук кэнниттэн буойун Н.Л.Местниковтан туох да сурах-садьык биллибэ-
тэх. Кэлинр хойут буойун Местников Николай Лукич II сураҕа суох сүппүтүн
туһунан биллэрии, оччотооҕу Сэбиэккэ кэлбит быһыылаах. Акулина Нико-
лаевна: “Миэхэ оннук суругу биэрбиттэрин өйдөөбөппүн, биһиги нэһилиэк-
тэн үгүс киһи сураҕа суох сүппүт аатырбыта. Онон Сэбиэккэ биллэрдэхтэрэ
буолуо, бука», — диэн этэр.
Билигин Николай Лукичтан Александра Николаевна диэн биир кыыс
баар. Тоҕус оҕо ийэтэ, хас да сиэн эбэтэ. Кинилэр өссө алта уонус сыллардаахха
аҕаларын туһунан ирдэһэ сылдьыбыттара да, туох да биллибэтэҕэ.
Өскөтүн бу суруктары аахтаххытына, фронтовиктар, фронтовиктар кэр-
гэттэрэ эһиги аҕаларгыт, эһэлэргит суруктарыгар, баҕар, ханна эмэ Николай
Лукич Местников I аата ахтыллара буолаарай? Баҕар, кинини билэр биир
эмэ киһи баара буолаарай?
Акулина Николаевна доҕорун билигин да умнубат. Ньукулай олоҕун кини
кыыһа Александра уонна сиэннэрэ салгыыллар.
Иван Попов,
“Саха сирэ” хаһыат, 21.09.1994

376