Page 92 - Уйбаан Бахсылыырап. Сэрии кэмин оҕолоро - эйэлээх олох уустара

трактористарынан буолбуттара. Уһун-Күөл отчут звеноларыгар Сивцев Свя-
тослав Дмитриевич, Сивцев Василий Дмитриевич салалталарынан олохтоох
ону тэҥэ оройуон тас өттүгэр хас эмэ сүүһүнэн тонна от оттоноро. Тутуу
биригээдэтин Лыткин Егор-Егорович-Дьөгүөрдээн салайан отделениеҕа эл-
бэх тутууну ыыппыта. Ол курдук кини биригээдэтэ Бөрөлөөх сайылыкка саҥа
титииги, бөһүөлэккэ баанньыгы, гараһы оҥорбута. Оскуоланы улаатыннара-
ры туруорсан саҕалаабыттара, киниэхэ сыһыары спортзалы туппуттара.
— Дьиҥэр биһиги оччоттон Уһун-Күөлгэ “норуот тутуутун” саҕалаабыт
эбиппит, — диир билигин Иван Петрович. Үчүгэй тахсыылаах үлэтин иһин
Уһун-Күөл отделениета икки төгүл көһөрүллэ сьщдьар Кыһыл Знамянан на-
ҕараадаламмыта.
Туох кистэлэй, сопхуос саҕана рабочайдар хамнастара хааччахтанар, бы-
һыллар буола сылдьыбыта. Ол кэмҥэ мин бэйэм, сопхуоска кыра да буоллар
салайар үлэҕэ сылдьыбыт киһи, ону эмиэ үчүгэйдик өйдүүбүн.
— Араас үлэһит бэрдэ уолаттар бааллара. Ол эрээри хамнастара хааччах-
танар буолан, дьон кэлин үлэни көрөн үлэлиир буолбута. “үлэлээ” диэтэххэ
төттөрү да түһээччилэр бааллара, — диэн ахтар оччотооҕу управляющай. Ол
эрээри кырдьаҕас салайааччы Уһун-Күөл, Тулуна, Даалы учаастактарын үлэ-
һит-үтүө дьонун билигин да киэн тутта ахтар.
И.П.Колодезников пенсияҕа тахсан да баран илиитин үлэттэн араарба-
таҕа. Кини “Үрдүк үүнүү” звенотун тэринэн 1990 с. 1300 тонна сиилэһи
укпута. Онно төһүү үлэһиттэринэн Иван Стручков, кини уола Афоня, Семен
Бурнашев, Алексей, Виктор Петуховтар этилэр. “Үрдүк үүнүүлэр” иккис
сылларыгар туораахтаах культураны ыһан гаттан 12 центнер үүнүүнү ылбыт-
тара. Оттон сэлиэһинэй үүнүүтэ 17 центнергэ тиийбитэ. Ити курдук Иван
Петрович салайар звенота ыһыы иэнин 300 гектарга тиэрдибитэ. Ол эрээри
тыа хаһаайыстыбатыгар кэлим реформа барыытынан, сүрүннүүр киһи суох
буолан ол сайын сопхуос ыһыллыбыта, паай үллэстиитэ саҕаламмыта...

Кэс тыл, баҕа санаа

— Ааспыт кэми, үлэлээн кэлбит олохпун сирэр, куһаҕан олох этэ диир
туһум суох. Биһиги курдуктары, тулаайахтары Сэбиэскэй былаас баар буолан
дьон оҥортообута. Мин 1962 с., ол аата 40 сыл устата Ленин партиятын
чилиэнэ буолан билиэппин күн бүгүн да түөспэр укта сылдьабын. Аны 40-н
тахса сыл устата дьон иннэ диэн үлэлээн, сэбиэскэй былааска иитиллибит
иэспитин, биһиги көлүөнэ төлөөтүбүт дии саныыбын. Билигин үлэ миэстэтин
баар оҥоруохха. Совхоз саҕанааҕы курдук дьон күргүөмүнэн дьарыгырар үлэтэ
баар буолуон наада. Оҕолорбут үөрэҕи бүтэрэ-бүтэрэ дойдуларыгар эргилли-
бэттэр. Ол барыта үлэ миэстэтэ суоҕуттан. Бу биһиги, кырдьаҕас, орто саас-
таах көлүөнэ дьон сүөһү ииттэн бүггэхпитинэ бөһүөлэктэр эстэр кутталлаахтар.
Лөгөй нэһилиэгин бочуоттаах гражданина, үлэ ветерана Иван Петрович
Колодезников 70 сыллаах олоҕуттан хаһыат ааҕааччыларыгар одоҥ-додоҥ
билиһиннэрэн туран кэпсээммин кини бэйэтин тылларынан түмүктүүм:
— Дьон сири кытта үлэлиэн наада, уйгу-быйаҥ сиргэ сытар. Племенной
үлэнэн дьарыктаныахха. Оччоҕо үүт-ас дэлэй буолуо. Кооперациялааһыны
түргэнник атаҕар туруоран производствоны сайыннарар суолу-ииһи тобулуох-
ха. Оччоҕо эрэ олох көнүө, салҕанан барыа.
Иван Петрович, эн кэс тылыҥ, баҕа санааҥ туолуохтун. Чэгиэн-чэбдик
сырыт, уһун үйэлэн, үлэһит үтүөтэ киһи!
Уйбаан Бахсылыырап, 2002 с. тохсунньу
88