Page 16 - Сахаайа Ермолаева Тымтык күн

13.

Хоруупсуйа дьоруойун чулуута
Ханнык да моһолу туоруоҕа.
Саһыллыы саталлаах улуута
Сокуону кэспэккэ уоруоҕа.

Мафия — ол кини куйаҕа!
Туох буолуой кэнники үөҕүллүү?..
Олорор уйгулаах уйаҕа!
Быыһыаҕа бэриктээх өҕүллүү!..
14.

Ардыгар сирэҥҥин быраҕар
Тобоххор изюмчик саһааччы.
Сонун өҥ айыахтаах ыраҕар
Соһуччу дьиктини аһааччы.

Эн сатаа уус тылы булары —
Өспүт да санааҕын тириэриэ...
Бэл өйдөөх кыһыҥҥы улары —
Биир отон тоҥорун ириэриэ.

15.

Кэлтэгэй кириитик хаһыҥа
Аҕабар үгүстүк буулаабыт.
Күөх истээх ол топпут аһыҥа
Сүрэҕин сүмэтин уулаабыт.

Иэйиитин муус курдук тоҥорбут...
Үчүгэй туга да оппотох!
Тэпсилгэн үлэһит оҥорбут...
Арай диэ — Кырдьыгын хоппотох!

14