Page 18 - Сахаайа Ермолаева Тымтык күн

19.

«Олох!» диэн муораҕа мүлтүркэй
Тыыбынан долгуннуун тустабын.
Өй-санаа алдьаммыт үлтүркэй
Таастарын быыһынан устабын.

Романтик! Күөрэйэ-тимирэ,
Оттон бу, эн ханна харбыыгын?
«Көҥүлгэ! Суох хаайыы тимирэ!..»
Ол аата, албыны арбыыгын!

20.

Үйэбит «Сайдыы» диэн тэргэнэ
Тиҥийэр мин баастаах сүрэхпэр,
Ракета умайар эргэнэ —
Тыаларбар, уолуйбут үрэхпэр.

Үксээтэ хоруупсуйа түгэнэ,
Киртийдэ дойдубут аҥара...
Барыска баҕарыы үгэнэ...
Ыраастыан буолаарай, Таҥара!

2 1.

Күн сирин бэл быстах тырыма
Күндүтүөн! Хаамарбын салгыыбын.
Ааҕааччыам, эн эмиэ ырыма;
«Суон сорту суоллан!» диэн алгыыбын.

Эн миэхэ тирэҕим буолаҕын —
Айабын бааргыттан тэбинэн.
Күн уоттаах күүс-көмө уолаҕын —
Сайдабын — эн өйгүн эбинэн!

16