Page 19 - Сахаайа Ермолаева Тымтык күн

22.

Үчүгэй — өйдөһөр-төйдөһөр,
Куһаҕан — ордоору хасыһар.
Үчүгэй — өйдөөрү өйдөһөр,
Куһаҕан — наар үөхсэн асыһар.

Сибэкки сылааска тыллааччы,
Бу мин да үтүөҕэ дьүөрэбин.
Күөрэгэй куйааска ыллааччы,
Бу мин да истинтэн үөрэбин.

23.

Харчыны былдьаһыы күөдьүйэр...
Фирма-той арааһа тэриллэр...
Бизнес эҥинэ үөдүйэр...
Атахха алмаас-үөн эриллэр...

Сайдабыт?.. Сиэр-майгы тааҥнаата...
Криминал бөҕөтө тиһиллэр...
Холуонньа — толерант ааҥнаата...
Бу тоҕо наар иҥсэ иһиллэр?..

24.

Кырдьыксыт «мээсэҕэ» тэбиллэр...
Масыанньыт банкетка харбаһар...
Сүүлүктээн хайҕаһыы эбиллэр...
Карьерист былааһы арбаһар...

Араатар айахтаах муох курдук...
Суох курдук эстэри түүнүүбүт...
Эрэнсии сиэкистиир уох курдук...
Бу ини көҥүллүк үүнүүбүт?!

17