Page 24 - Сахаайа Ермолаева Тымтык күн

37.

Харыаннаах төрөөбүт дойдубут
Хаамаайы ордуута буолбатар!
Тас тайфун тыалыттан ойдубут
Таастардаах урэхтии уолбатар!

Кэс суолбун арчылаан көрүспүт
Норуоппун кытары салгыаҕым.
Дьылҕабар Өлүөнэ өрүспүт
Дьылҕатын холбооммун алгыаҕым.

38.

Эн бүгүн бу тугу саныыгын?
Былыттаах түүн курдук көрөҕүн...
Бэлэххин туох иһин аныыгын?
Мин күөспэр эн тугу өрөҕүн?

Хараҕым ууларын тохторор —
Көрөбүн — хатыылаах хаастаргын...
Сүрэхпин сүүйэҥҥин охторор
Бэлэххин биэрбэккэ аастаргын...

39.
Билэбин куорат сир «бэттэрин» —
Тыа дьонун сээниирдии көрөҕүт!
Ол эрэн кинилэр эттэрин
Симэҥҥит, күөскүтүн өрөҕүт...

Баай киһиэ! Төрдүгүн тумнума:
Ас аһаан, тот буолан байаргын!
Бэйиэтиэм! Эн эмиэ умнума:
Бу дьонтон ырыаҕын айаргын!

22