Page 21 - Сахаайа Ермолаева Тымтык күн

28.
«Выгода» кими да хамсатар,
Көннөрү да дьону көҕүлүүр;
Дуоһунас мэҥиэтин амсатар,
«Депутат буолууй!» — диэн үөгүлүүр.

Сүүлүк дьон «выгода хоруолун»
Соругун туйгуннук толорор
...Бу миэхэ баай-харчы оруолун
Сибэкким толорон олорор...

29.

«Хапуга» босхоҕо баҕалаах:
Саҥата минньигэс, эйэлээх;
«Обот» диэн амарах аҕалаах,
«Иҥсэ» диэн иһирэх ийэлээх.

Тоһууру чуумпутук туоруохтаах:
Күүлэйдиир — тэрилтэ суотугар;
Сокуону кэспэккэ уоруохтаах;
Мал баһаам — дьиэтигэр-уотугар...

30.

Иһээччи иһэрин быһаарар:
«Мин — «Горе от ума» киһибин;
Ойоҕум үөн үөҕэн ыһаарар,
Көрсүүлээх ... Ол иһин иһэбин.

Тойонум тойомсук! Дуол дурак!
Хотунум хотумсук! Сор-дура!
Хайыыбын онон мин «уол тураах»?..
Тохтуо дуо — олох бу сордуура?!»