Page 23 - Сахаайа Ермолаева Тымтык күн

34.

Билигин хара күүс дэлэйдэ,
Сымыйа кырдьыктыын хоонньосто.
Сиэр-майгы күлүүһэ элэйдэ —
Наркоман сиэкистиин оонньосто.

Феодал-баай киэптэҥнээн кэлиитэ
Ыччаппыт олоҕун сутуйар...
Харчыны үллэстэр элита
Көрсүүтүн ордорон утуйар?!.
35.

Коллегам! Эйиэхэ Таҥара
Туһаайбыт аналын тумнума!
Эн дьолуҥ улахан аҥара
Норуот диэн ааттааҕын умнума.
Онуоха соҕотох түрмэҕэ
Кураанах буочука кэриэтэ.
Дьыаланы дакаастыыр үөрүйэх
Ордук ээ туһата, кэрэтэ!

36.

Абырыыр арыт бэл тарбаныы —
Уордайбыт ньиэрбэни «тоҥорор».
Арай дуол куһаҕан арбаныы —
Киһини киһиргэс оҥорор.

Киэбирэн кэхтибэт туһугар
Дьулууру бэйэттэн саҕалыах.
Ол дьолу бөрүөбүт уһугар
Ырайтан ыныран аҕалыах.

21