Page 22 - Сахаайа Ермолаева Тымтык күн
P. 22
31.
Саҕахтан тайана-тайана,
Сырдыыбын! Чаҕылхан кэрэбин!
Күн санаам көҥүлгэ айана
Салҕанан мин көтөн эрэбин.
«Көҥүл!» диэн тыл тугуй? Уос кута!
Искиттэн кыымынан тибиирэр.
Күүрээннээн, ардыгар уоскута,
Сылаастык самыырдаан ибиирэр...
32.
Политик, Талейран курдуккун:
Сөпсөһөн сүүйэри сатыыгын...
Ол эрэн тирантан ордуккун —
Хаана суох талаҕын атыыгын.
Хараҕын — харчынан бырахсар,
Кулгааҕыҥ — мафия ватсаба.
Холбоһор, ардыгар арахсар,
Партия албына ахсаабат.
33.
Хоруупсуйа диэн сарыысса
Көссүүтэ — тас омук хоруола.
Агентура диэн кырасаабысса
Дьүөгэлээх. Сүр күүстээх оруола!
Арассыыйа сирин баайынан
Хачайдаан бэргэнник туһанар,
Глобализация хаалтыһы баайынан,
Баһылыыр былаанын уһанар.
20
