Page 26 - Сахаайа Ермолаева Тымтык күн

43.

«Поэтов тираны не понимают;
Когда понимают — тогда убивают».
Бу — Вознесенскай поэт быһаарта.
Төбөтүн өрт уота уматта...

Айылҕа бэйиэт-кыыс тэтиҥэ
Сүрэхпэр титирии мөҕүстэ,
Сүҥ халлаан ньиргиэрдээх этиҥэ
Утарсар санааны көбүттэ...
44.

Утарсыы өйдөнөр төрүөтэ:
Ыҥырар үрдүктүк дайарга;
Кини баар сайдыыбыт өһүөтэ —
Көҕүлүүр тутарга-айарга.
Сыыллаары буолбатах — көтөөрү —
Мин хоһоон айабын түүннэри.
Таммах уу тоҥ буору өтөөрү
Таммалаан ачаны үүннэрэр.

45.
Мин кэрэ сахалыы тылынан
Этигэн хомуспун тыллыыбын;
Дорҕоонун долгуйа ылынан,
Тэтэркэй ымыылыы ыллыыбын.

Соловей ырыатын үтүктэр
Попугай буоларга баҕам суох!
...Сахалыы саҥабар сүтүктэр
Онто суох үгүстэр, доҕочуок!