Page 31 - Сахаайа Ермолаева Тымтык күн
P. 31
Тосту-туора бу быһыыны
Туох тохтотуой, уодьуганныай?
Кытаанах сокуон?
Кырдьыксыт былаас?
Кыйахаммыт норуот?
«Иҥсэтин иинин буора
Эрэ толоруо!» — диэн
Итини этэн эрдэхтэрэ?!
4. СЕНСАЦИЯ БИИТЭР ПРОВОКАЦИЯ?
Ааспыт сэрии бэтэрээнэ
Арай туран биирдэ,
Миниэнньэтин этэн,
Миигин олус соһутта:
«Интернет — интриган,
Ватсап — фальсификатор,
Реклама — манифулятор;
Тотальнай информация
Тактиката — диверсия,
Стратегията — глобализация;
Түмүгэ — Арассыыйа
Территориятын түҥэттии,
Сирин баайын үллэстии...» — диэтэ.
Эн, эдэр таптаһааччы,
Эһэҥ этэрин туох диигин?
«Пройденнай этап киһитин
Провокацията эбит», — диэтэ.
Эдэр эротик.
Ааҕааччы эн быһаар:
Хайалара сөпкө эппитий?
Сенсация?
Провокация?
Хайатыгар кырдьык баарый?
29
