Page 34 - Сахаайа Ермолаева Тымтык күн

8. АЙЫМНЬЫМ КЫНАТА
Мин туе бэйэм дьылҕабар
Икки кырдьык аргыстаһар.
Бастакыта — былаас кырдьыга,
Ол аата — политика;
Иккиһэ — норуот кырдьыга,
Ол аата, дьиҥнээх олох.

Маҥнайгым — погода курдук уларыйар;
Дьарыйыан баҕардаҕына —
Тымныынан кыйыдыйар,
Аһыннаҕына —
Сылаас күннүү кылбарыйар.
Иккиһим — олох курдук,
Хайдах баарынан сыһыаннаһар:
Кырдьыгы хорсуннук эттэхпинэ,
Мохсоҕол кынатын бэлэхтиир;
Сымыйалаатахпына — мае тайахтыыр.
* * *
Ол иһин, үрдүккэ көтүөхтээх
Кынаппын тоһутумаары,
Кынчарыллан да туран,
Кырдьыгы суруйабын!
9. БАРАММАТ БААЙЫМ

«Ким доҕордоох — ол дьоллоох!» —
Кулгаахпар ити этии куруук дуорайар!
Баай эрээри — абааһы көрүллэр дьон
Дьылҕатыгар ким дураһыйар?..

Дьүөгэ кыргыттарбын кытары
Санаа атастаһан байабын.
Мичээрдээх истиҥ санааларын
Биһигэр бигэнэн сылаанньыйабын.

Харахтарын кытыан кыымнара
Дууһабын сырдатан умайаллар.
Сылааһынан ардыыр тыллара
Курааннаабыт уоспар таммалыыллар.

32