Page 33 - Сахаайа Ермолаева Тымтык күн
P. 33
Ол эрээри, саамай үрдүк наҕараада —
Айылҕаттан бэриллэр наҕараада!
«Талаан» диэн эбит аата!
* * *
Айылҕа талааны —
Уурааҕынан түҥэппэт —
Уу чуумпутук бэлэхтиир!
7. «НЕПРИЗНАННЫЕ ГЕНИИ»
«Билиниллибэтэх генийдэр»
Былыргыттан баар эбиттэр:
Бэйэлэрин кэмнэригэр
Омар Хайямнар, Уитменнар...
Биһирэбили ылбатахтар, —
Устунан умнууга кубулуйбуттар...
Онтон сүүһүнэн сыллар ааспыттар...
Айымньылар акыйааннарыгар
Арҕас долгуннарга кубулуйбуттар.
Тоҕо? Ону быһаарын эдэр ааптардар.
* * *
20-с үйэ нууччатын поэзиятыгар
Эрдэ «билиниллибэтэх генийдэр» —
Высоцкайдар, Мандельштамнар,
Бродскайдар... да оннуктар —
«Цензура хаарчаҕыттан»
Төлө көтөннөр, тыыллан-тымтан,
Чаҕылҕанныы күлүмүрдээбиттэр,
Этиҥнии ньириһийбиттэр.
* * *
Сахалартан оннуктар баар буолуохтарын
Мин чахчы баҕарабын.
Теорияҕа улуубут уруккуттан биллэр!
Ону практикаҕа дакаастыыр кэм кэллэ!
31
