Page 22 - Сахаайа Ермолаева Тыыннаах ырыа
P. 22
71.
Иннибэр — олоҕум судургу!
Кэтэхпэр — ОО, КИНИ обургу
Уустуга тоҕойго тоһуйар...
Сүбэлээҥ — тоһууру туоруоҕу...
72.
Самнарыы! Дьикти да буолбуккун!
Дьүһуннүүн күөх кырса курдуккун!
Уураттыҥ дуо, — хаарга саһаҥҥын, —
Кутуйах сордооҕу бултуургун?
73.
Дьон өйүн төһөтүн быһаарар
Аппараат көһүннэ. Од — доллар!
Оннуккут миэхэ суох! Кыһыытыан —
Мэлдьитин акаары аатырар!
74.
Олоҕум — сардаҥа кырыыта,
Сороҕо — тыал-ардах былыта.
Ол икки ардыгар сылдьабын...
Хаһан наар ыраас күн сылытар?..
75.
Сааспынан Арбита убайым
Эдьиийэ буоламмын сылдьабын.
Арай дьэ талаанын сиппэккэ,
Үйэ-саас балтынан хаалабын.
76.
Абатыан! Байытар албас суох!
Быыбарга кыттыахпын — билсиим суох
Дуоһунас? Партиям мэлисээй!
Гонорар? Бөлөххө — аатым суох!
20
