Page 25 - Сахаайа Ермолаева Тыыннаах ырыа

89.
Үрдүбэр — ыксыыр тыал ытыллар,
Тулабар — тиэтэл дьон ыһыллар.
Барыыска (хапуга буоларга)
Дьоҕурбут дьорҕооттук арыллар.
90.

Халлааҥҥа Күн Айыы Таҥара
Бар дьоҥҥо тэҥ дьолу баҕарар.
Арай бу буор сиргэ үп-харчы —
Ь1йааҕы билиммэт Таҥара!
91.

Байарга тиэтэйбэт буоламмын,
Холкутук утуйан турабын.
Ымсыыта суохпунан бар дьонтон
Үөҕүллэр кырыыска турбаппын.
92.

Билэбин мин айар таһыммын —
Тыһыргыы умайар тымтыкпын.
Өбүгэм бэлэҕин кэриэстээн,
Кутааны күөдьүтэ сатыыбын.

93.
Баһыыба, ордоору сирээччим!
Дьиҥинэн көҕүлээн биэрээччим!
Хайҕаама, уоскутан кээһиэҕиҥ!..
Кэҕэ да кэмчилээн этээччи.

94.

Көстөртөн көстүбэт арыллар,
Биллэртэн биллибэт аһыллар—
Наука сокуона! Доҕоруом,
Айанныах! Ким көрдүүр — ол булар!

23