Page 37 - Неизвестное название

Оттон Мүрү тулатыгар уонна былыргы Бороҕон буолаһын сирин-уотун ааттарыгар монгуолтан
киирии аат-суол элбэҕэ үгүс чинчийээччини соһутар. Онтон сылыктаатахха, өбүгэбит Улуу Хоро
Мүрү тулатын сир-уот оҥостон бэрт уһуннук олорбута костер. Кини удьуордара ытык эбэҕэ I-кы, П-с
Хоро нэһилиэктэрэ аатыран күн бүгүн да олороллор. Манна Хоро Балаҕана, Хоро Көлүйэтэ, Хоро
Күөлэ, Хоро Күрүөтэ, Хоро Майаҕаһа, Хоро Сыырдааҕа, Хоро Үрүйэтэ диэн ааттар билиҥҥи улуус
тоҕус нэһилиэктэригэр бааллара элбэҕи кэпсиир.
Ити курдук, улууспут киинэ Бороҕон уонна ытык Эбэбит Тойон Мүрү тула баар топонимнары
ырытыыга киирдибит. Онуоха сүрүннээн сахаҕа биллэр топонимист Багдарыын Сүлбэ улахан уола
тыл, литература научнай-чинчийэр институтун научнай сотруднига Багдарыын Ньургун Сүлбэ уола
бу тахсыыга анаан бэлэмнээбит бэлиэтээһиннэригэр олоҕуруохпут. Бастатан туран, бөһүөлэкпит
аатын быһаарабыт:

Бороҕон үөһээттэн көстүүтэ
«БОРОБОН - название монгольского происхождения. На бурятском «боро-серый; смуглый (о
цвете лица); простой, неприхотливый, нетребовательный; примитивный; выносливый)», а на мон­
гольском «бор - серый, сивый (о масти); смуглый (о цвете лица). А - ҕон - монгольский словообразо­
вательный аффикс. Ученые считают его монгольским элементом в якутском языке», - диэн бэлиэтиир
Ньургун Сүлбэ уола.

Топонимист Багдарыын Ньургун Сүлбэ уола Мүрүгэ Тюркология НПК~тыгар.