Page 63 - Дүпсүн сирэ

киирэн кэлбит. Уйбаан эһэни илгэн кэбиспит. Эһэ балайда дөйөн сыппахтаа-
быт уонна арыый сэниэлэнээт туран, кумуччу туттан баран сытар отун диэки
бакыннаабыт.
— Үөрэхтээх тойонум, эһэҕэ туттаран сиэтээри гыммыт эбиккин дуу? — диэн
Уйбаан кыыһырбыт. Кини сирэйэ-хараҕа турбутун, хаана-сиинэ хамсаабытын
корон, Никифоров тойон кэннинэн чугуруйбут. Кини көрдөҕүнэ Уйбаан кини-
ни субу аҕай бобо харбаан ылан маска саба охсуох курдук көрүҥнэммит этэ.
— Кэбис, инньэ диэмэ. Бырааппар төһө баарын билээри гыммытым. Дьэ
билигин көрдүм, хараҕым туолла, — тойон этэн-тыынан ньалҕаарытар.
Сааһыары кыһын Уйбаан ыала Дьэһэрдиин оҕуһунан куораттаан испит-
тэр. Киллэмҥэ кэлэн үс ыалтан үүрүллүбүттэр. Оҕустарын хоннорор сирдэрэ
ханна да көстүбэтэх. Бара сатаан, Айбардыыр Алааппыйа диэн баай дьахтарга
тиийбиттэр. Дьахтар үөрэ-көтө хонуҥ диэбит. Хоноһолор муодаргыы санаа-
быттар: Алааппыйа хоноһону холдьоҕорунан, ыалдьыты сырытыннарбатынан
сурах бөҕөҕө киирбит дьахтар этэ. Алааппыйа бэйэтинэн туран ас астаан бар-
быт. Остуолга толору соккуойдаммыт эти, үөлүллүбүт балыгы, хайах бөҕөнү
тардыбыт. Дүпсүн курдук ыраах сиртэн кыһыҥҥы тымныыга оҕуһунан чоо-
хурдаан дэлби тоҥон кэлбит дьон ити үлүгэр аһы көрөн үөрбүттэр.
— Хоноһолор ыраах сиртэн тоҥон-хатан кэлбит дьон олороҥнуг итии-
лээҥ, — хотун ыалдьыттарын остуолга ынырар уонна Уйбаан диэки дьээбэ-
лээхтик көрүтэлиир. — Дүпсүн күүстээҕэ Уйбаантан мин биир көрдөһүүлээх
этим. Биһиги, дьахталлар, күүстээх эр киһини харахпытынан көрүөхпүтүн
баҕарааччыбыт. Бу кыракый чохоон сыыһа баар. Маны модун сутуруккунан
үлтү охсон көрдөрүөн этэ дуо? — диэбит уонна мээрэйгэ тоноруллубут чохоо-
ну Уйбаан иннигэр аҕалан уурбут.
Алааппыйа көрдөҕүнэ Уйбаан хараҕа уоттанарга дылы буолбут. Уйбаан илии-
тин оргууй аҕай өрө күөрэппит. Иҥиирин тыаһа лычыгырыы түспүт. Охсон
эрэргэ дылы этэ да, хаҥас ытыһыгар ууран турбут чохооно ыһылла түспүт. Тоҥ
чохоон тооромосторо дьиэ иһин биир гына көппүттэр.
— Ылыҥ, оҕолоор, чохоонно хомуйуҥ, итиччэ аһы сиэххэ наада, — Уйбаан
күлэ-күлэ хотун диэки көрөр: — Көрөөт да билбитим. Саҥаһым кытаанахтык
боруобалаатыҥ.
— Хайа, доҕоттоор, сүөһү түүтүгэр быланан тоноруллубут чохоон эбит
буолбат дуо? — дии түспүт Дьэһэр.
— Айыыбын туту кистиэмий. Ынах түүтүгэр ытыйан оҥорон баран
тоҥорбутум уонна Уйбааҥҥа кэһии гынан уурбутум, — диир Алааппыйа.
Хоноһолор Айбардыыр Алааппыйа дэлэй аһыгар-үөлүгэр улаханнык махта-
нан барбыттар үһү.
Куоракка ити киириитигэр Уйбаан уһаан хаалбыт. Төннөн иһэн эмиэ Ай­
бардыыр Алааппыйалаахха хоммут. Киэһэ Алааппыйа таһынааҕы ыаллара,
Көтүөккэ атыыһыт үс көкөттөрө, Уйбааны күүлэйдэтэ ыҥырбыттар. Алаап­
пыйа ыалларым дохсун соҕус дьон буолуохтара диэн Уйбааны сэрэппит.
Аҕалара өлбүт аһыытыгар уоллаттара уһаты уойа, туора тото олорор дьон буо-
лан биэрэллэр. Уҥа диэки турар остуол хотойуоҕунан ас тардыллыбыт. Аһааһын
саҕаланар. Улахан уол Дьэллик Дьэкиим дьиэгэниччи көрүтэлиир. Үрэх баста-
59