Page 51 - Березкин И.Г. Сайсары күөлэ уонна Сайсары булгунньаҕа

хаалбыттар. Итиниэ мин үлэлии сылдьар дьону эрэнэммин,
эр киһи киэргэллээх хаппарын (фартугун) уонна дьахтар
үрүҥ уонна хара оҕуруоларыттан ылан барбатахпыттан
билигин даҕаны хомойобун.
Дьэ ол саҕана биһиги Сайсары (Тыгын) булгунньаҕын
үрдүгэр кимнээх көмүллэ сыталларын уонна хаһан
көмүллүбүттэрин туһунан тугу даҕаны билэ илик кэммит этэ.
Болдьоон-хаһан туран, Тыгын дархан буолуохтааҕын сэрэйэр
да кыахпыт суоҕа. Оччотооҕута биһиги өйдөбүлбүтүгэр баар
этэ Тыгын дархан 1632 сыллааҕы сайын, аманаакка түбэһэн,
Петр Бекетов кириэппэһигэр хаайыыга сыппытын, онно икки
ампаар икки ардыгар анаан-минээн оҥоһуллубут киэҥ баҕайы
иҥнэстигэс сарайга маарынныыр сохсолоохторун, ол анныгар
онно-манна кэмпиэти быраҕаттаабыттарын Тыгын киирэн
итигэстээн сии сырыттаҕына, баттатан өлөрөн кэбиспиттэрин
туһунан үһүйээни истэрбит уонна ону итэҕэйэрбит.
Онтон кэнники, бэйэм өй буламмын, бу кэлин сүүрбэччэ
сыллар усталарыгар Сайсары күөлүн уонна Сайсары
булгунньаҕын тустарынан элбэхтик дьарыктанным. Архив,
археология, этнография, фольклор матырыйаалларын уонна
былыргы даҕаны, аныгы даҕаны үөрэхтээхтэр суруйбут
кинигэлэригэр Сайсары туһунан тугу этэн аһаралларын
ирдэһэн тураммын аахтым.
Ол түмүгэр Тыгын дархан бу Сайсары булгунньаҕын
үрдүгэр биир саамай сөбүлүүр уонна үчүгэй дьүһүннээх
Аамый диэн кэргэнин, Таас Уллуҥах диэн кыра уолун кытары

Хос быһаарыы: 1. Түорт илии холобурдаах кэтит, аҕыс кэккэ үрүҥ уонна
хара оҕуруо ойуу.
2. Икки өттүгүн бастарыгар алтан, ат баһа ойуулаах тиэрбэстэр, хаҥас
тиэрбэһигэр — саадаҕа, уҥа тиэрбэһигэр — хататтаах быһаҕа.
3. Алын бүүрүгэр алтан чопчулар ыйаммыттар.
49