Page 105 - Элэс Боотур Бүөтүр Оҕотоойоп

ЭЛЭС БООТУР 105

Охсулуннум диэн
Түөрт өттүн
Төгүрүччү көрдөҕүнэ:
Содуомнаах, суостуганнаах
Соҕуруу өттүнэн
Соһо чуоҕур хайа тулалаах,
Араҕас сылгы
3450 Ардайдаах сиэлин
Арыйа баттаабыт курдук,
Аар баҕах анньыллыбыт,
Алгыстаах-силиктээх аартык
Арыллан киирэр эбит.
Аргыардаах, алдьархайдаах
Арҕаа өттүнэн
Адаар таас хайа дьайыҥнаах,
Абааһы аймаҕа адаҕыйар,
Илиэһэй бииһэ иэнигийэр,
3460 Сыа сыналыйбыт,
Эт энэлийбит,
Субай хаан сүүрүгүрбүт,
Хара хаан халыһыйбыт,
Аҕыстаах- сэттэл ээх
Атыыр сылгы
Хааннаах хабарҕатын
Хайа баттаан баран
Хантаччы уурбут курдук,
Хабарҕа кэрдииһинии
3470 Хабырҕал хара
Хаан дьаргыстай аартык
Таҥнары халыһыйан киирэр эбит.
Холоруктаах, силлиэлээх
Хоту өттүнэн
Хоҥорой дьуорсун тумул буодьулаах,
Кунан оҕус куолайын
Кудумньулуу быһа баттаабыт курдук
Хоролҕон хара аартык
Куолларыйан киирэр эбит.
3480 Итии салгыннаах,
Илгэ быйаҥ эркиннээх
Эҕэрдэлээх илин өттүттэн