Page 104 - Элэс Боотур Бүөтүр Оҕотоойоп

104 П. В. ОГОТОЕВ

Атыйахтаах уу курдук аймаан,
Туруу бараан дойдуну
Тордуйалаах уу курдук долгутан,
Ох сиппэтинэн
Уорааннаахтык уурдаран- оҕустаран,
Сындыыс сулустааҕар сыыдамнык
Сыыйылла көттө...
3410 Сул бу түһэн,
Ыастаах кустук ohoijoc курдук
Ыйылыы көтүтэн иһэн,
Көрөн-истэн дьэргэлдьиттэҕинэ:
Күн улууһун күүстээхтэрэ
Күрэс былдьаспыт,
Айыы аймаҕын ааттаахтара
Аат-миҥэ алдьатыспыт,
Илиэһэй бииһэ иэнигийбит,
Абааһы аймаҕа адаҕыйбыт,
3420 Кырыыс бөҕө кыттыспыт,
Кыа хаан бөҕө тохтубут,
Иһиирэ турар илбистээх,
Улуйа олорор оһоллоох,
Өһөх хара былыт
Өрүтэ үөмэхтэспит,
Уот субурҕан чаҕылҕан
Быһыта курбуулаабыт,
Уордаах этиҥ
Тоҕута дьааһыйталаабыт,
3430 Күөх төлөн
Күлүмнүү өрүкүйбүт,
Холлоҕос быһаҕаһын саҕа
Кураа уот сүүрэкэлээбит,
Кыргыһыылаах Кыладыйа Хаан хотун
Көстөөх сиртэн
Килэдийэн, киэбирэн көһүннэ.
Хайа бэйэлээх
Аан дайды
Алдьархайдаах арҕаһыгар,
3440 Туох бэйэлээх
Туруу бараан дойду
Оһоллоох оройугар