Page 141 - Элэс Боотур Бүөтүр Оҕотоойоп

)Л )С БООТУР 125

Сотору соуус
Үтүө сиргэ кэлэн
Өҥөс гына тустэ,
Аҕыйахтык атаралатаат,
Ааттаах сир үрдүгэр кэлэн
Адыылаан, анааран
4230 Арылыччы көрөн турда...
Дьэ, кырдьык да,
Үтүө сир эбит.
Сир гиэнин сиэдэрэйэ,
Бастыҥа, мааныта
Манна баар эбит:
Туруйа кыыл
Тоҕус түүннээх күнү мэлдьи
Тура көтөн
Тулатын булбакка
4240 Лоҥкуначчы хаһыытаабыт,
Тобураҕы толону тохтоппотох
Туналытта маҥан толоонноох.
Кыталык кыыл
Кырыйа көтөн
Кытыытын булбакка
Кыҥкыначчы ытаабыт,
Кыдьыгы-кыырпаҕы сыһыарбатах
Кылбаарытта маҥан кырдаллаах,
Ача от дьарҕаалаах,
4250 Алтай от киэргэллээх
Араҕас таала хонуулаах
Ааттаах үтүө алаас
Аҥааттан-айгыстан
Аҥалдьыйан көһүннэ.
Дьэ, кырдьык даҕаны,
Алгыстаах- сил иктээх
Аан ийэ дайды
Хабайар хаба ортото,
Ойон тахсар күннээх
4260 Орто түһүлгэ дойду
Дьуларыйар оройо —
Тохтуур туруйалаах,
Кыстыыр кыталыктаах,