Page 140 - Элэс Боотур Бүөтүр Оҕотоойоп

124 П. В. ОГОТОЕВ

Бэрдимсийэн быһа сытыйар,
Кыратын, куһаҕанын билиммэт,
Кэм да киһиргии олорор,
Ким кырдьыктаныан», — диир.

Эһэ Хара аттаах
4190 Элэс Боотур
Истибэтэҕин истэн,
Көрбөтөҕүн көрөн,
Бэри диэн бэркиһээтэ,
Сөрү диэн сөхтө:
«Көр, итиччэ
Кып-кыра эрээри
Киһиргэһин көрүҥ!
Ол эрээри,
Бэрдимсигин бырахтахха,
4200 Бэртээхэй да оҕонньор эбит,
Эчи, барыны бары
Билэн-көрөн түһэн,
Билбитэ-көрбүтэ түргэнин!» —
Дии санаат,
Эмиэ ахсым айаны
Айаннаабытынан барда.
Улуу дойду
Улаҕатыгар охсулунна,
Тэгил дойду
4210 Түгэҕэр тэбилиннэ.
Өр да, өтөр да барбытын билбэтэ,
Биирдэ өйдөөн көрбүтэ:
Күөх торҕо буруо унаарыйбыт,
Киһи-сүөһү бөҕө тоҕуоруйбут
Кэрэ бэйэлээх
Киэҥ сир
Кини иннигэр
Үс күннүктээх сиртэн
Хотун дьахтар туһахтатын курдук
4220 Туналыйан-туйааран көһүннэ.
Көстүбүт сири
Өр-өтөр гыныах бэйэлээх
Эр бэрдэ буолуо дуо,