Page 142 - Элэс Боотур Бүөтүр Оҕотоойоп
P. 142
126 П. В. ОГОТОЕВ
Барбат бараахтаах,
Быстыбат былдьырыыттаах,
Дьиэтийбит дьиэрэҥнээх,
Көппөт көҕөннөөх,
Тумнубат туллуктаах,
Аралдьыйбат арылыастаах,
4270 Өрөөбөт өтөннөөх,
Кэрээбэт кэҕэлээх,
Көҥүл көрүлүүр күөрэгэйдээх,
Күннэтэ күөрэйэ ойор
Күлүм-мичил
Күндү күннээх,
Түлэй бараан
Түүн ийэни сырдатар
Тунал маҥан ыйдаах,
Кэлэр үйэлэргэ
4280 Кэнчээритэ быстыбат
Кэрэ кэскиллээх
Килбиэннээх киһилээх,
Үгүс үйэлэргэ
Үөскээн төлөһүйэр
Өҥ-тала
Үтүө сүөһүлээх,
Охтон баранар мастаах,
Уолан сүтэр уулаах,
Уостан бүппэт уйгулаах,
4290 Сир гиэнин сиэдэрэйэ
Ситэн-хотон
Сил ИГИЛ ээн - сириэдийэн,
Дойду гиэнин долгуруута
Туругуран тупсан
Турар эбит.
Бараммат-хороммот
Барҕа баайдаах,
Дириҥ далай курдук
Дохсун тоттоох
4300 Дойду эбит.
Сыһыынан кэмнээбит
Сыспай сиэллээх,
Сырдык ыраас түүлээх
