Page 186 - Элэс Боотур Бүөтүр Оҕотоойоп
P. 186
170 П. В. ОГОТОЕВ
Суон модун сурахтарын
Суо ньаҕыдыйан,
Ситэн туран
Ситэри муспут эбит.
Аһаан абыранаары
Абааһы аймаҕа диэн
Аһына-харыһыйа барбакка,
5880 Буочука саҕа
Бөскөйө уойбуттары,
Тар уһаатын саҕа
Дагдайа үллүбүттэри,
Оһох саҕа
Суодуйа сонообуттары
Үксүлэрин өлөрөн-өһөрөн,
Үөрэн-көтөн үллэҥнээн,
Улуу күтүр
Ураҕас тиийбэт
5890 Уйгу быйаҥ
Уруу-тарыы тэрийэн баран,
Эдэр киһи
Имэҥэ киирэн,
Уолан киһи
Омуна-төлөнө батарбакка
Утуйа охсоору,
Уруутун дьоно
Уоп-чаап гыналларын кытта,
Олус уһуннук аһаатыгыт диэн,
5900 Ыҥырбыт ыалдьыттарын
Ытырыык ыт курдук ырдьыгынаан,
Ү өҕэн-түрүйэн,
Үлтү сынньан
Үүртэлээн эрэр эбит.(
Үөс Тардар
«Айаҕымсаххытынан аакка түһэр
Адьарай аһайдара,
Иҥсэҕитинэн ииҥҥэ киирэр
Илиэһэй идэмэрдээхтэрэ,
Туохха да маҥалайдара туолбат
