Page 23 - Элэс Боотур Бүөтүр Оҕотоойоп

ЭЛЭС БООТУР 2 1

Торумтуйбут бытыктаах,
Дорҕоонноох саҥалаах
Толуу дьоннор
Дорообо бэрсээри
Тоҥхолдьуһа туралларын курдук
Томороон тииттэрдээх.
Хайыһардарын кэппит,
Хаалыктарын анньыммыт,
Батыйаларын таннары тайахтаммыт,
250 Сааларын санныларыгар сүкпүт,
Тукулаан түбэлэригэр
Туртастыы тахсан иһэр
Тонус оҕонньотторо
Туораахтаһан иһэллэрин курдук
Толуу төҥүргэстэрдээх.
Сэргэх көрүҥнээх
Сиэнчэр дьоннор
Сэнээрэн сэгэйэн туралларын курдук,
Бэртээхэй баҕайы
260 Бэс мастардаах.
Сэттэ уоннарын сиппит
Симэхсин эмээхситтэр:
«Иннибит кылгаатаҕа,
Кэннибит уһаатаҕа,
Кырдьар сааспытыгар,
Өлөр үйэбитигэр», — дэһэннэр
Ү өрүүгэ-көтүүгэ
Өкчөөкөйдөһөн иһэллэрин курдук,
Үрүйэ сирдэргэ
270 Үмүөрүһэн үүммүт
Үтүмэн үгүс
Үөт талахтардаах.
Эт тута илик,
Этэ-этэ күлэр,
Эмньик, имигэс
Эдэр кыргыттар курдук,
Иирэ талахтардаах,
Уончалаах оҕолор
Оонньуу сылдьалларын курдук,
280 Бэйбэриспит быһыылаах