Page 24 - Элэс Боотур Бүөтүр Оҕотоойоп

2 2 П. В. ОГОТОЕВ

Бэпиккэй эттээх
Бэрдьигэс мастардаах.
Байкал курдук бардамнык
Барылыы баалланар,
Муора курдук дохсуннук
Будулуйа долгуннурар
Улаҕата-уҥуоргута көстүбэт
Улуу тайҕа тыалаах,
Күөх көбүөр кырыстаах,
290 Хотоол-хонуу хочолордоох,
Күрүлүү-харылыы сүүрдэр
Көҥүс үрэхтэрдээх,
Көҥүл көрүлүүр
Күөрэгэй чыычаахтаах,
Күн көрбүтүнэн
Күөрэйэ ойон тахсар
Кыыс кэрэ дойду
Күөгэйэн, нусхайан,
Күлүм-мичил көрөн,
300 Налыйан-наскыйан,
Туругуран-тупсан
Турар эбит.
Ол кыырпах кир сыстыбатах,
Айыы-хара ааҥнаабатах,
Муҥ-сор буулаабатах,
Өлүү-сүтүү үөдүйбэтэх,
Иирээн-иэдээн эҥэрдэспэтэх,
Содуом-сор суоһаабатах,
Дохсун этиҥ арчылаах,
310 Тоһуттар чаҕылҕан кымньыылаах,
Толон самыыр илгэлээх,
Үкэр куйаас тыыннаах,
Үрүҥ тунах ыһыахтаах,
Араҕас илгэ быйаҥнаах,
Сөрүүн сөлөгөй утахтаах,
Ача от аҥаарыйбыт,
Алтай от киэргэппит
Араҕас таала хонуулаах
Ааттаах алаас
320 Тула өттүн