Page 211 - Элэс Боотур Бүөтүр Оҕотоойоп
P. 211
ЭЛЭС БООТУР 195
Күннэри-түүннэри
Күлүмэхтик көтүтэн,
Сырдык дьиэтин сыдьаайа
Сыралыҥса Куо барахсан
6840 Кыыс эрдэҕинэ
Күөрэгэй курдук
Көҥүл көрүлээбит,
Куччугуй бэйэтэ
Кут иҥэринэн үөскээбит,
Аччыгый бэйэтэ
Ачаалаан улааппыт
Ачалаах-синньэлээх,
Айгырастаах- силиктээх
Ааттаах алааһыгар
6850 Күн тахсыыта
Кетүтэн кэллилэр.
Алдьархайдаах аартыгы арыйан,
Сүдү суолу тобулан,
Киэҥ сири тэлэн,
Муҥ бөҕөнү
Муннуларынан тыыран,
Эрэй бөҕөнү
Эҥэрдэринэн тэлэн,
Сор бөҕөнү
6860 Сотолорунан солоон,
Кыайан-хотон,
Иитиллибит Ийэ сирдэригэр
Этэҥҥэ эргиллэн кэлбит
Кыыстаах уолу
Кытыгырас Бараанчайдар
Күлэн-үөрэн
Күндүтүк көрүстүлэр.
Кылааннаах уһуктаах
Кыыс Ньургун обургу
6870 Тэгил дойдуттан
Тэҥнээҕэ түбэһэн,
Хахай сиэр аттаах
Хаан Дьааһын бухатыырдыын
Холоонноох доҕордуулар
Холбоспуттар эбит.
