Page 61 - Элэс Боотур Бүөтүр Оҕотоойоп

ЭЛЭС БООТУР 6 1

1730 Хаахтаабыт хааҕа
Халлааҥҥа көтөр
Хара хапсыыр
Хахайдыы хаһыырда.
Орто дойду
Оһуордаах-мандардаах
Ото-маһа
Ордумаары гынна дуу диэх курдук
Охтон ку мал ан ныл ар,;
Алгыстаах-силиктээх
1740 Аан ийэ дайды
Айгырастаах симэҕэ,
Ачата- синньэтэ
Аччаата дуу диэх курдук
Айманан бардылар.
Тоҕус у он тоҕус уораҕайдаах
Тоҥмот муораларын,
Аҕыс уон аҕыс дьайыҥнаах
Араат байҕалларын,
Үс үөстээх
1750 Үлүскэннээх сүүрүктээх
Өҥ-тала үтүө өрүстэрин
Өрө ытыйан таһааран
Куула, халдьаайы сирдэргэ
Куоһаах, хаспах аайы
Куугуначчы куппута
Көһүнэн усталаах
Күөллэр буолан дэбилистилэр.
Маннык үлүгэрдээх
Аат айаҕа аһыллар
1760 Ааттаах алдьархай ааҥнаабытыгар,
Иин курдук иҥнэстэр
Илэ иэдээн иэнигийбитигэр
Кэрээбэт кэҕэлэрэ
Кэлэҕэйдээбитинэн кэҕиннилэр,
Өрөөбөт өтөннөрө
Үөгүлээбитинэн өллүлэр,
Быстыбат былдьырыыттара
Былдьырылаабытынан быралыйдылар,
Кынаттаах кытыгырастара