Page 62 - Элэс Боотур Бүөтүр Оҕотоойоп

6 2 П. В. ОГОТОЕВ

1770 Кыырай халлаанҥа
Кыйдана көтөннөр
Кыл тыыннарын быыһаатылар,
Хотоҕойдоох хоһууннара
Добун халлаанна
Туйаара көтөннөр
Дуусаларын толуннулар.
Халтаҥ ойоҕосторунан
Хабырыйан үөскээбит
Хаҥыл сүүрүктэрэ
1780 Хастыы хамыллан
Хара тыа диэки
Харбыалаһа турдулар.
Үтүрүһэн үөскээбит
Үргүүк үрүҥ сүүрүктэрэ
Үлтү үүрүллэн,
Үргэн көтөн,
Өҥүргэһинэн көрөн,
Үрүйэ баһын ахсын
Үрүө-тараа ыстаннылар.
1790 Уйан сүрэхтээхтэрэ
Ууга түстүлэр,
Кус сүрэхтээхтэрэ
Кутаҕа тимирдилэр,
Далай акаарылара
Дулҕа быыһын ахсын
Тумнастан өллүлэр,
Ан ала өттүлэрэ
Лаҥха аннын аайы
Лаҕыллан хааллылар.
1800 Бу үлүгэрдээх
Модун буурҕаттан
Баараҕай балаҕаннарын
Бадьыр баҕаналара
Быйааттыах курдук
Барыҥныы хамсаатылар,
Тоҕус уон тоҕус
Толуу тулааһыннара
Туллуох курдук
Толугуруу мөҕүстүлэр,