Page 63 - Элэс Боотур Бүөтүр Оҕотоойоп

ЭЛЭС БООТУР 6 3

1810 Үс хос
Үтүө мае өһүөлэрэ
Өһүллүөх курдук
Өрүтэ түллэҥнэстилэр.
Бэртэрэ биллэриккэ түстэ,
Үтүөлэрэ үгэххэ өкчөрүйдэ,
Хорсуннара хотоҥҥо хопчоруйда,
Отохторо орон анныгар симилиннэ.
Ити кэнниттэн
Өрүһүйэ баттаан
1820 Өйдөөн-дьүүллээн
Өрө көрдөххө:
Килбиэннээх халлааннара киртийдэ,
Ыраас халлааннара ыыстыйда,
Маҥан халлааннара баланыйда,
Добун халлааннара тордоҕурда.
Күдэрик былыттар көһүннүлэр,
Таллан эбириэн былыттар таҕыстылар,
Кыһыл былыттар кыттыстылар,
Хара былыттар ханыыластылар^
1830 Чуоҕур былыттар чуоҕустулар,
Эбир былыттар эҥийэлээтилэр,
Дьэллик былыттар дьиэгэнистилэр.
Тус хотуттан
Т ыстаах-баттахтаах
Хардаҥ эһэ
Тиириллибит тириилэрин
Тиэрэ-таары
Тамнааттаабыт курдук
Нэмилгэ хара былыттар
1840 Өрө адаарыһан таҕыстылар.
Улуу халлаан улаҕатыттан
Уулаах-хаардаах
Най хара былыттар
Уһулута ойон тахсан
Күнү күлүктүү
Күлүгүрэ барыҥнастылар.
Үс күүрүүлээх
Уордаах этиҥ
Хахсааттаах халлаан