Page 64 - Элэс Боотур Бүөтүр Оҕотоойоп

64 П. В. ОГОТОЕВ

1850 Хаһыырар оройугар
Хараҥа былыкка
Өрө сүүрэн
Лүһүгүрэйэн таҕыста.
Үс хартыгастаах
Өндөл маҥан халлаан
Үрдүк өрөһөтүн
Күлүмнүүр күөнүгэр,
Киҥкиниир киэҥ халлаан
Киэҥ уораҕайыгар
1860 Күөх төлөннөр күлүмнэстилэр,
Сындыыс уоттар сырыстылар,
Садара кыымнар сардырҕастылар.
Тоһуттар чаҕылҕан
Тоҕута курбуулаата,
Сарадах чаҕылҕан
Самнарыта саайталаата,
Уот субурҕан чаҕылҕан
Суптурута сүүрдэ.
Күндүл күөх халлаан
1870 Түөрт өттүттэн
Түөрт күүрүүлээх этиҥ
Тоҕута ыстаннаа
Арылы маҥан халлаан
Аҕыс дьайыҥыттан
Аҕыс хабараан этиҥ
Хайыта ыстанна,
Добун маҥан халлаан
Тоҕус муннугуттан
Тоҕус дорҕоонноох этиҥ
1880 Тоҕута барда.
Илбистээх этиҥнэр
Сир сиҥниэр,
Халлаан хайдыар диэри
Тоҕус уон тоҕус төгүл
Доҕута дьааһыйталаатылар.
Ол кэнниттэн
Туллук сымыытын саҕа
Тоҥ муус толонноох
Дохсун ардах