Page 65 - Элэс Боотур Бүөтүр Оҕотоойоп

ЭЛЭС БООТУР 6 5

1890 Тоҕус түүннээх күнү мэлдьи
Тохтоло суох
Тоҕу суккулунна.
Онтон
Бороон торбос
Баһын саҕа
Тоҥ муус тобурах
Тоҕу түһэн,
Тоҕус саһаан кэриҥэ
Төттөрү тэйиэккэлии турда.
1900 Ол кэлин өттүттэн
Буур тайах
Буутун түүтүн
Бурҕайа ыспыт курдук
Бурҕаат хара былыттар
Бурҕачыйан таҕыстылар,
Бургунас ынаҕы
Муоһунан холобурдаах
Буордаах хаар түһэн
Муналытан кэбистэ.
1910 Ол кэнниттэн
Будул туман былыт
Будулуйа көтөн тахсан
Халлааны хаххалаата
Хараҥанан хаайда.
Онтон, уон хонук устата
Тиити төргүү мутугунан холобурдаах
Көмнөхтөөх хаар түһэн
Күдээритэн кэбистэ.
Онтон эмискэ,
1920 Били алдьархайдаах аан силлиэмэтэ,
Ороскуоттаах улуу буурҕата
Уурайа охсон хаалла, '
Халлаан халлан хабырытынна,
Киһи сирэйин
Сытыы чыпчахайынан
Быһыта биэрэр курдук,
Тымныы тыал
Тыалыран кыйыһытта,
Сүһүөхтээх таба тирэммэт