Page 100 - Элэс Боотур Бүөтүр Оҕотоойоп

Кытыылыыр сылгы баһын саҕҕа
Кыалыктаах хататтаах,
Суорба таас хайа саҕа
Суостуганнаах суо-хаан
Оһоххо дугуйдаммыт,
Аан дайдыны арчылыыр
Аал уотум иччитэ
3250 Кырыа Бытык,
Кыырык Төбө,
Хатан Тэмиэрийэ,
Аан-Уххан
Тойон эһэм!
Миигин суохтатан
Мөлтөөн-ахсаан
Үргүөрү үргүтэр,
Чоҥкуйа кырыарар буолаайаҕын!
Иэримэ дьиэм иччитэ
3260 Төлкөлөөх түстээх
Түөнэ Моҕол оҕонньор
Түөрт баараҕай баҕаналарбын
Байааттаҥнатар,
Тоҕус уон тоҕус
Толуу тулааһыннарбын
Туллаҥнатар,
Эрэллээх эркиннэрбин
Эмэҕирдэр буолаайаҕын!
Дьаардаах тиэргэним иччитэ
3270 Унаар түптэ тыыннаах,
Уйгу быйаҥ олохтоох,
Дьаһаллаах Куо-Дьаралык
Хотун ийэм,
Хонуу мунунан
Хоноҕор муостаахпыттан
Биир толугурдаах торбоһу
Туоратар буолаайаҕын!
Сыһыы мунунан
Сыспай сиэллээхпиттэн
3280 Биир тааҕылаах убаһаны
Таһаарар буолаайаҕын!
Үргүүк үрүҥ сүүрүгүм