Page 18 - Алаатыыр Ала Туйгун. 2-с үйэтэ

Арбаҕас да сонноох буолларбын
Аҕыс уон
Аҥылҕаннаах салгыннаах
Айдаан үрэхтэр бастарыгар
Арбы-сарбы
Ааттаах буолаайыкпыный?!
Алыс сэнээмэ эрэ,
Нохой киһиэ!
380 Суол ийэ
Токоолоох буолаарай,
Аартык хатын
Араскааггаах буолаарай?
Сэп барда сэрэн,
Ох барда оҥоһун!
Сэрэппэккэ сиэтэ,
Өйдөппөккө өлөрдө
Диэйиккиний, — диэт,
Тэбис-тэҥҥэ
390 Ох саа оноҕоһо
Уот сындыыс курдук
Субурус гынаат,
Араҕас сиэр ата
Сүллуүлээх сүрэҕин туһунан
Түһүөҕэ өргөстөөх
Сүөм хаалтын кэннэ
Анарааҥҥыта Ала Туйгун
Куо дьэллик
Кымньыытын угунан
400 Өрө охсон кэбиспитэ,
Ыҥыырын үөһээ бүргэҕинэн
Сытыы чаҕылҕан курдук
Килбэс гынан ааста.
Уҥуоргу тумуллар
Туруук таас төбөлөрүгэр
Сүллээх этиҥ курдук
Өрө саалла түстэ.
Анараа хайалар сатараатылар,
Бэтэрээ хайалар мэҥирээтилэр.
410 Тоҕус иччитэх
Киҥкийэ хара
Үрэх бастара
Дуораһыйа түстэ.
Онуоха буоллаҕына

- 14 -