Page 127 - Алаатыыр Ала Туйгун. 2-с үйэтэ

Үөһээ бөҕө
Үтүөлэрин өнүппэтэҕэ,
Аллараа бөҕө ааттаахтарын
Айаҕар түһэрэ турбута.
Ордон барбыт сурахтара
Иһиллибэт этэ.
Эн биһигини син биир
5060 Тимир тиистэрэ
Сытыы-кылаан тыҥырахтара,
Сойуо хара тумустара
Хотуо суох.
Бу киҥкиниир
Киэҥ халлаан
Кэдэрийэн түһэр ыпсыытыгар,
Сэттэ биттэхтээх
Сир ийэ
Сириэдийэн эрийэр сиксигэр
5070 Үөл эттээх үктэммэтэх,
Тыынар тыыннаах сылдьыбатах,
Хара күлүктээх көстүбэтэх,
Хамсыыр харамай тулуйбатах,
Улаҕата көстүбэтэх,
Муҥура биллибэтэх,
Умайа турар
Уот сымара байҕал ортотугар
Кырыктаах илбистээх
Кылыс батыйа биитин курдук
5080 Кыһыл сымара таас
Кырдал баара буолуо.
Онно тиийэммит
Охсуһан көрүөх эрэ.
Биир урут
Бүдүрүйбүт сүһүөхтээх
Мүччү үктэммит
Төннүбэт гына
Төбөтүн оройунан
Түһэн өлөр дойдуга буолуо, — диэтэ
5090 Абааһы уола.
Онуоха буоллаҕына
Алаатыыр Ала Туйгун:
— Кор да маны!
Адьарай бөҕө атамаана
Айыы хаан аймахтарын
- 123 -