Page 128 - Алаатыыр Ала Туйгун. 2-с үйэтэ

Аһылык гыммыккын
Астыммакка-топпокко,
Аны мин сылаас хааммар иҥсэрэн,
Ардьайа сытыйан турдаххын,
5100 Айаҕымсах муннаах
Аһыы охсоору,
Сиэмэх эрэйдээх
Сии тардаары
Тиэтэйдэҕиҥ буолаахтыа.
Күөскүн өрүнүмэ,
Күөмэйгин оҥостума,
Ыстаатаххына астынаар,
Ыйыһыннаххына эрэнээр.
Анныкы буолан
5110 Аны бэйэҥ
Ардьайан сытар
Кэмиҥ кэлээрэй,
Ханна тиийэн
Бүдүрүтэр сирдээхпин диэтиҥ?
Эн да талбыккынан буолан көрдүн,
Барыах даҕаны эрэ,
Хайабыт урут
Бүдүрүйэр эбит, — диэтэ
Алаатыыр Ала Туйгун.
5120 Абааһыуола
Сэттэ бүгүйэх истээх
Тимир моҕой үөн буолан
Дугуур хамса
Быатын курдук
Чороччу эрийдэ.
Айыы бухатыыра
Үҥүү-батас тыҥырахтаах,
Өргөс тимир түүлээх,
Өрүөстээх төбөлөөх,
5130 Өһогөйдөөх өһүөннээх
Өксөкү кыыл буолан,
Үстүү былас холобурдаах
Үөрбэ-батас тыҥыраҕынан
Өгөрүтэ-батарыта харбастылар.
Хахсааттаах маҥан халлаан
Ханчаҕайын диэки
Хатааһын чолбонун курдук
Хаһыыра көтөн таҕыстылар.
124
-