Page 144 - Алаатыыр Ала Туйгун. 2-с үйэтэ

Күрүнньүгүрэн көстөр
Күкүр хара дьиэ
Күнү-ыйы бүөлээн
Күөнтээн турар эбит.
Орто өртө
Тараах күрдьүгэс буолан
5790 Сараадыйан көстөр,
Ол алын быһаҕаһа
Эбириэн дьаҕыл буолан
Эбириэннэнэн турар,
Ол алын сиксигэ
Кыталык элэмэс буолан
Кытыастан көстөр,
Ньирилии ньиргийэ турар,
Тимир килиэ дьиэ иһигэр
Дьэргэлгэн курдук
5800 Тиэтэл тутуулаах,
Түргэн хамсааһыннаах,
Суоһар хара дьон суодалдьы.
Кулгаахтаах бөҕө чуҥкунуур,
Куйахата дьырылыыр,
Хатан тыас хахырыйбыт,
Сытыы тыас кыкырыйбыт,
Чиҥ тыас ньиллиргээбит
Сир ийэ түгэҕинэн
Ньирилии ньиргийэ турар
5810 Тимир килиэ дьиэ буолла.
Кинилэр диэтэх дьон
Киис кыыл курдук
Кирийиэхтэринэн кирийдилэр,
Саһыл кыыл курдук
Саһыахтарынан састылар,
Чуучуйан-чуучуйан
Солондо саҕа буолан сунньулустулар.
Кыратыйан-кыратыйан
Кырынаас саҕа буолан, кылбаҥнастылар,
5820 Аччаан-аччаан
Ааҕый сар буолан аабыгырастылар.
Симэлийэн-симэлийэн,
Чиҥээн-чиҥээн
Тимир хомурдуос буолан,
Иккиэн тэбис-тэҥҥэ
Харахтаах бөҕө көрбөт,
- 140 -