Page 146 - Алаатыыр Ала Туйгун. 2-с үйэтэ

5870 Тамыччы мэлийдэ.
Кыһыл эттэрэ
Кырамта унуохтарыттан
Кылбаччы эһиннэ.
Сүллүүлээх сүрэхтэрэ
Икки харахтарын уута
Систэрин үөһүттэн силбэһэн,
Уулла-уулла мөлбөйөн,
Түҥнэри-таҥнары эргийэ
Төкүнүһэ сыттылар.
5880 Өлөр үөс быстар
Өһөгөйдөөх мэккиэрэ дьэ буолла.
Хайабыт урут
Хара тыына быстар диэн,
Уот симэһин ортотугар
Дьөлө сөҥөн сыттылар.
Бу кинилэр диэтэх дьон
Сүллүүлээх сүрэхтэрин мөчөкөтө
Иккиэн тэҥҥэ дэлби ыстаннахтарына,
Уус хаан төрүттэрэ
5890 Дьиэлиин-уоттуун
Бука барыта
Буор оһох күлүн курдук
Үлтү тэбиллэн,
Үрүҥ күдэн буолан мэлийиэ этилэр.
Хайата да буолара
Биллибэккэ турда.
Сүллүүлээх сүрэхтэрэ
Дэлби ыстанара,
Тыыннара быстара
5900 Тыһы кыл саҕа хаалла.
Түөрт күннээх-түүн
Тимэхтэһэн кэлиитигэр
Абааһы уола тулуйумуна,
Үөһээ балаҕан үрдэ
Үс былас холобурдаах
Үрэлис гына түһүөр дылы
Үгүрэлии* түһэн баран,
Хара хоруо дьардьама буолан,
Өрө ыстанан тахсан эрдэҕинэ,
5910 Суодалы хаан уус
Соһуйан-уолуйан,
Хатан баҕана
- 142 -