Page 147 - Алаатыыр Ала Туйгун. 2-с үйэтэ

Хабырыта ыстаныар диэри
Хаһыытыы түһэн баран,
Хоспох балаҕан
Эркинин саҕа
Халҕаһа тимир
Хараабынньыгын кырыытынан
Сиһин чиккэйэр үөһүн
5920 Синньигэс биилинэн
Соҕотохто быһа
Дайбаан кэбистэ.
Уу хорҕолдьун курдук
Уунньулус гынан,
Абааһы уола өлөн түстэ.
Инньэ гынарын кытта
Айыы бухатыыра
Уот баргый кыһа түгэҕиттэн
Ох-саа оноҕоһун курдук
5930 Ойон тахсан,
Тимир килиэ
Дьиэ таһыгар
Сындыыс уотунуу
Сылыкыс гынан хаалла.
Буолакка тахсаат,
Эт бэйэтинэн
Илэ дьүһүнүнэн тура түстэ.
Өстөөҕүн өлөрөн,
Дьаныардааҕын сарбыйан,
5940 Быһылаантан быыһанан,
Оһолтон ордон,
Хатааннааҕын хаптатан,
Кыһыылааҕын кыайан
Күнү көрдө.
Көҥүл тыынна,
Көхсө кэҥээтэ.
Суодалы хаан уус
Соһуйбут омунугар
Кэннинэн тэйиэккэлээн тиийэн,
5950 Кэтэҕэрии истиэнэтигэр
Кэтэҕинэн охсуллан,
Сэттэ чиэппэр холобурдаах
Сэгэччи анньан кэбистэ.
Ол гынан баран
Ыллаан ыыра барда,

- 143 -