Page 152 - Алаатыыр Ала Туйгун. 2-с үйэтэ

Сэттэ тыһы сиэли
Сыыйа тардан ылан,
Үс үөстээх
Өркөн кылыс
Кымньыытын төбөтүгэр
Эрийэ охсон баран,
Хоту соҕуруу диэки
6050 Хоруутуу-хоруутуу
Далбаатыырын кытта,
Сэттэ кыталык элэмэс
Кытыт сылгы буолан
Сиэтиилээх-холбооһуннаах курдук
Сиэлэн хааман,
Нэлэһэн-хотоһон
Тиийэн кэллилэр.
Ону дьэс хаалдьыктарыттан
Батарыта харбаан ылан,
6060 Суодалы хаан уус
Ытыһын оҥхойугар:
— Бэриккин-туһаххын
Биэс тарбаххынан
Бэлтэччи тут, — диэн баран,
Биллиргэччи быраҕан биэртин
Суодалы хаан уус
Түү мээчик курдук
Хап гыннаран,
Харбаан ылан
6070 Кытыастар кыһатыгар
Сырылаччы сырайан,
Будьуруччу буһаран,
Хол-буут арааран,
Курдурҕаччы ыстаата.
Күөмэй тыаһа күллүргээтэ,
Куолай тыаһа куллурҕаата.
Суодалы хаан уус
Иккиһин мэрдьэйдэ,
Илиитин уунна:
6080 — Көкөйө хара күөччүттэрим,
Бакыйа хара балтаһыттарым,
Иҥиэттэ хара игииһиттэрим
Истэрэ көппөйбөтө,
Долоҕойдоро туолбата
Туохтааххыный,
146
-