Page 153 - Алаатыыр Ала Туйгун. 2-с үйэтэ

Нойон киһиэ, — диэтэ.
Суодалы хаан уус
Тоҥолоҕор диэри
Ууммутун курдук ууна,
6090 Ытыһын тоһуйбутун курдук
Тоһуйан турда.
Онуоха буоллаҕына
Алаатыыр Ала Туйгун
Атын кутуругуттан
Аҕыс атыыр кылы
Сыыйа тардан ылан,
Үс үөстээх
Өркөн кылыс
Кымньыытын төбөтүгэр
6100 Эрийэ охсон баран,
Хоруутуу-хоруутуу
Илин арҕаа диэки
Далбаатыырын кытта
Аҕыс араҕас сиэр
Атыыр сылгы буолан,
Сырсан нэлэһэн
Тиийэн кэллилэр:
— Соҥ балталаах,
Сүдү кыстыктаах,
6110 Күүгүнүүр күөттээх,
Кытыастар кыһалаах,
Сириэһиннээх сиэтиилээх,
Баараҕай ордуулаах
Баараҕай уус киһи манньаҕын
Балтаччы тут, — диэн баран,
Аҕыс атыыр сылгыларын
Сиэллэриттэн-кутуруктарытган холбооттоон,
Тиэрбэстии тутан,
Сиэтэн илдьэн биэрбитин
6120 Суодалы хаан уус
Сулуу харбаталаан ылан,
Суостуганнаах төлөннөөх
Тууспан уот
Кыһатын ортотугар
Атахтарынан-бастарынан
Адаарыччы бырахта,
Т үүлэри-өҥнөрү
Төггөрү-таары төкүнүтгэ,

147 -