Page 155 - Алаатыыр Ала Туйгун. 2-с үйэтэ

Иһэттэрэр иһэрдиигитин
Элбэх да буоллар
Этиппэккэ иһэрдиэхпит,
Сиэттэрэр сиэтиигитин
Тиэтэтэн туран,
Сиэтэн биэриэхпит,
Куттарар кутуугутун
Хонук уһаппакка
6180 Кутан атаарыахпыт,
Тосту буккутун тутуохпут,
Алдьаммыккытын самсыахпыт,
Уйаҥҥытын уһаарыахпыт,
Сиикэйгитин хатарыахпыт,
Наадаҕытын толоруохпут,
Туттар сэпкитин
Тупсаран оҥоруохпут,
Кэтэр куйаххытын
Кээһэммэт бөҕө гыныахпыт.
6190 Ити күн сирин
Күлүктээн үөскээбит
Күтүрдээҕин бүдүрүтгүҥ,
Адьарай бөҕө
Адьырҕатын адаарыттыҥ.
Өлөр өлүү
Түбүлээн Хара бухатыыр
Үөһээ дойдуну
Үөннээх түптүйэ курдук
Үлтү тэпсэрэ,
6200 Аллараа дойдуну
Атыйахтаах уу курдук
Атаҕынан кэһэн
Аамайдыы оонньуура.
Орто дойду
Киһитин-сүөһүтүн
Уулаах отон курдук
Кэһэн-тэпсэн,
Утахтанан аһаан,
Соҕотоҕунан суоһурбут,
6210 Аҥардастыы ааҥнаабыт.
Уон тарбахтаах
Тулуһан дуксуйбатаҕа,
Улаан ньуурдаах
Утары көрбөтөҕө.

- 149 -