Page 154 - Алаатыыр Ала Туйгун. 2-с үйэтэ

Тириилэри туйахтары
6130 Тиэрэ-маары эргиттэ,
Сырылаччы сырайдылар.
Кэн'сик-мунсук кэҥэрдиилээтилэр,
Буһуруччу-сөтөрүччү буһардылар,
Хоннох-быттык бысталаан,
Хол-буут үллэстэн,
Кудур-хадыр ыстаан,
Аһаан-сиэн амырыйан,
Суодалы Хаан уус
Астынан-тотон,
6140 Уоһа-тииһэ ньалҕарыйан,
Хаҕа-хоруота хоҥностон,
Көлөһүнүн сотгон,
Курунньугун тэбэнэн,
Хоҥоруута дьуххаран,
Көнньүөһэ көнөн,
Күлүм аллайан,
Күөмэйин көҥкөтөн,
Ыллаан ыыра барда,
Туойан тоҕо ыстанна:
6150 — Буойака, буойака-а!
Алаатыгар, оҕолоор!
Торолуйар томтойор
Тоҕус сылым
Бэтэрээ өртүгэр
Тото илик
Тотуубутун тоттубут,
Анаарыйар айгыстар
Аҕыс сылым
Бэтэрээ өртүгэр
6160 Аһаабатах аспытын аһаатыбьгт.
Айыы хаан аймахтарын
Ааттаах бухатыыра
Алаатыыр Ата Туйгун
Аһатан-сиэтэн ааспыккар
Баскыттан атаххар диэри
Балаҕан саҕа баһыыбата тут!
Урааҥхай сахалар удьуоргутуттан
Удьуоргар диэри
Уһаннарар уһаныыгытын
6170 Улахан да буоллар
Уталыппакка уһаныахпыт,
- 148 -