Page 174 - Алаатыыр Ала Туйгун. 2-с үйэтэ
P. 174
Туруйа кыылым
Тоҥ күөс бастыҥа
Чонойо-чонойо көтөн,
Туораан тахсыбат
Туоллума Эбэ Хотун диэн сир
Дьөгдьөйөр саалыгар,
6910 Туналыйар ньууругар
Олохсуйан үөскээбит
Толомон Суорун оҕонньор,
Тоҥкуруун Баай эмээхсин
Улахан кыыстара
Тыллаах-өстөөх
Чычыгыр-чуоҕур аттаах
Нарын Ньургустай диэн буолар.
Күн өркөн ууһун
Көстүбэт бөҕоттен
6920 Көмүскүүр иннигэр,
Айыы хаан аймахтарын
Адьарай бөҕөттөн
Араҥаччылыыр туһугар
Сындалҕаннаах сырыыны сырытта,
Сыралаах охсуһууну охсуста.
Күүспүтүн холбоон
Күрэхтээх охсуһууну көрүстүбүт.
Ол кэнниттэн
Сүрэхпит сөбүлэһэн,
6930 Сүбэбит табыллан,
Уһун үйэбит тухары
Уйгулаах олоҕу
Олоруохпут диэн,
Ис санааны билсэн,
Истиҥ тылы кэпсэтэр
Итии тапталлаах
Эйэлээх доҕордуу буолан,
Иэримэ дьиэни иччилии,
Алаһа дьиэни араҥаччылыы,
6940 Аал уоту отто
Аҕа, ийэ буолан
Аҕамсыйа кырдьыахпыт диэн,
Аргыстаһан кэллибит.
Аны эйиигиттэн
Үтүө сүбэни истээри,
Кэрэ кэскили,
- 166 -
