Page 171 - Алаатыыр Ала Туйгун. 2-с үйэтэ

Ньиргийэн-ньирилээн,
Айаннаан түһэн,
Бара турдулар.
Өр да айаннаабыттарын билбэтилэр,
Өгөр да айаннаабыттарын билбэтилэр,
6780 Нарын Ньургустай
Алаатыыр Ала Туйгуннуун
Аргыстаһан айаннатан,
Аҕыс иилээх-саҕалаах,
Атааннаах-мөҥүөннээх
Айгыр-силик
Алыгыр-налыгыр
Аан ийэ дайдыларыгар
Тиийэн кэллилэр.
Кун Тэгиэримэ Эбэ хотун
6790 Килэдийэр киинигэр,
Дьөгдьөйөр саалыгар,
Туналыйар ньууругар,
Туйгуннуур уорҕатыгар
Олохсуйан үөскээбит
Уолуйан уһуктар
Уор Дьаҕыл оҕонньор,
Кыыдыйан уһуктар
Кыыр Дьаҕыл эмээхсин
Иэримэ дьиэлэрин,
6800 Аан алаһаларын,
Кэтит ордууларын
Кэкэ чуордарын таһыгар,
Тоҕус туллук кыылым
Тохтообокко дьурулуу сүүрэр,
Дьоруо ат
Таба дугунан ааспат
Дьулусхааннаах дьулуо маҕан
Тусаһаларын ортотугар
Айыылаах киһи
6810 Аттыгар барбат,
Буруйдаах киһи
Букатын чугаһаабат,
Үрдүгэр өксөкүлээх
Тойон боодой
Сэргэлэрин төрдүгэр
Тэбис-тэҥҥэ кэлэн,
Аттара харыс тына
- 163 -