Page 172 - Алаатыыр Ала Туйгун. 2-с үйэтэ

Тохтуу түстүлэр.
Инньэ гынарын кытта
6820 Дьиэ иһиттэн
Дьиппиэн хара халҕан
Тэлэллэ түстэ.
Алаатыыр Ала Туйгун ийэтэ
Кылааннаах өргөстөөх
Кыыс Ньургун бухатыыр
Үөрэн-көтөн,
Мичилийэн кэлэн,
Аттарын тэһиинитгэн
Икки илиитинэн
6830 Икки аҥы өрө тутан туран,
Саманнык диэн,
Саҥа саҥара
Турбута үһү:
— Дьиэ буо, дьиэ буо!
Күҥҥэ төрөөн булбут
Күндү күөрэгэйим оҕотун
Көрсүһэр да
Күннээх эбиппин.
Көһүтэн-көһүтэн
6840 Кыараабыт көхсүм
Көҥүс үрэх
Уутун курдук
Кэҥээн дьэҥкэрдэ.
Санаарҕаан улугуран
Санньыйбыт санаам
Сааскы халлаан уутун курдук
Сайа охсон дьэҥкэрдэ.
Т үмүлл үбүт-харбыт
Сүрэҕим үөрэн,
6850 Томтойор түөһүм иһигэр
Тилигирии тэптэ.
Куру-сары буолан,
Кубарыйбыт хааным
Кутуллан киирэн,
Тэтэрэ тэптэ,
Сэргэхсийэн турдум.
Бу хантан көрсөн
Айыым оҕото
Алтай түөстээх
6860 Далбарайым барахсан
164 -